Роберт Джон Одэнкёрк — амерыканскі акцёр, комік, сцэнарыст, кінапрадзюсар і рэжысёр. Найбольш вядомы сваёй роляй адваката Сола Гудмана ў крымінальнай драме «На ўсе застаўкі» (2008–2013) і яго спін-офе «Лепш тэлефануйце Солу» (2015–2022), за якую ён атрымаў шэсць намінацый на прэмію «Эмі» за найлепшую мужчынскую ролю ў драматычным серыяле. У якасці прадзюсара серыяла «Лепш тэлефануйце Солу» з моманту яго прэм’еры ён таксама атрымаў шэсць намінацый на прэмію «Эмі» за найлепшы драматычны серыял. Одэнкёрк напісаў сцэнарыі для тэлешоу «Saturday Night Live» (1987–1991) і «The Ben Stiller Show» (1992), атрымаўшы прэмію «Эмі» за найлепшы сцэнарый для вар’етэ-праграмы ў 1989 і 1993 гадах. Атрымаў сваю зорку на Галівудскай алеі славы 18 красавіка 2022 года, у дзень прэм’еры апошняга сезона серыяла «Лепш тэлефануйце Солу». Зорка Одэнкёрка знаходзіцца побач з зоркай яго партнёра па серыяле «На ўсе застаўкі» Браяна Крэнстана.